हाथी दीज्ये घोडा दीज्यै, गधा गधेडी मत दीज्यै सुगरां री संगत दे दीज्यै, नशा नशैडी मत दीज्यै hathi deejye ghoda deejyai, gadha gadhedi mat deejyai sugaran ri sangat de deejyai, nasha nashaidi mat deejyai

हाथी दीज्ये घोडा दीज्यै, गधा गधेडी मत दीज्यै 

सुगरां री संगत दे दीज्यै, नशा नशैडी मत दीज्यै

hathi deejye ghoda deejyai, gadha gadhedi mat deejyai 

sugaran ri sangat de deejyai, nasha nashaidi mat deejyai

राजस्थानी कविता 

हाथी दीज्ये घोडा दीज्यै, गधा गधेडी मत दीज्यै 

सुगरां री संगत दे दीज्यै, नशा नशैडी मत दीज्यै

घर दीज्यै घरवाली दीज्यै, खींचाताणीं मत दीज्यै

जूणं बलद री दे दीज्ये, तेली री घाणीं मत दीज्यै

काजल दीज्यै टीकी दीज्यै, पोडर वोडर मत दीज्यै

पतली नार पदमणीं दीज्यै, तूं बुलडोजर मत दीज्यै

टाबर दीज्यै टींगर दीज्यै, बगनां बोगा मत दीज्यै

जोगो एक देय दीज्यै पणं, दो नांजोगा मत दीज्यै

भारत री मुद्रा दै दीज्यै, डालर वालर मत दीज्यै

कामेतणं घर वाली दीज्यै, ब्यूटी पालर मत दीज्यै

कैंसर वैंसर मत दीज्यै, तूं दिल का दौरा दे दीज्यै

जीणों दौरो धिक ज्यावेला, मरणां सौरा दे दीज्यै

नेता और मिनिस्टर दीज्यै, भ्रष्टाचारी मत दीज्यै

भारत मां री सेवा दीज्यै, तूं गद्दारी मत दीज्यै

भागवत री भगती दीज्यै, रामायण गीता दीज्यै

नर में तूं नारायण दीज्यै, नारी में सीता दीज्यै

मंदिर दीज्यै मस्जिद दीज्यै, दंगा रोला मत दीज्यै

हाथां में हुन्नर दे दीज्यै, तूं हथगोला मत दीज्यै

दया धरम री पूंजी दीज्यै, वाणी में सुरसत दीज्यै

भजन करणं री खातर दाता, थौडी तूं फुरसत दीज्यै

घी में गच गच मत दीज्यै, तूं लूखी सूखी दे दीज्यै

मरती बेल्यां महर करीज्यै, लकड्यां सूखी दे दीज्यै

 कवि नें कुछ भी मत दीज्यै, कविता नें इज्जत दीज्यै

जिवूं जठा तक लिखतो, रेवूं इतरी तूं हिम्मत दीज्यै

marwadi Kavita 

hathi deejye ghoda deejyai, gadha gadhedi mat deejyai 

sugaran ri sangat de deejyai, nasha nashaidi mat deejyai

ghar deejyai gharvali deejyai, khinchataani mat deejyai

junan bald ri de deejye, teli ri ghaani mat deejyai

kaajal deejyai tiqi deejyai, poder voder mat deejyai

patli naar padmani deejyai, tun buladoser mat deejyai

tabar deejyai teangar deejyai, bagna boga mat deejyai

jogo ek dey deejyai panan, do naanjoga mat deejyai

bharat ri mudra dai deejyai, daaler waler mat deejyai

kaametanan ghar wali deejyai, buti paler mat deejyai

cancer vencer mat deejyai, tun dil ka daura de deejyai

jeenav dauro dhik jyavela, marnaan saura de deejyai

neta aur minister deejyai, bhrashtachari mat deejyai

bharat maan ri seva deejyai, tun gaddari mat deejyai

bhagwat ri bhagti deejyai, ramayan geeta deejyai

nar men tun naarayan deejyai, naari men seeta deejyai

mandir deejyai masjid deejyai, danga rola mat deejyai

hathan men hunner de deejyai, tun hathagola mat deejyai

daya dharm ri punji deejyai, vani men sursat deejyai

bhjan karnan ri khatar daata, thaudi tun fursat deejyai

ghi men gach gach mat deejyai, tun lukhi sukhi de deejyai

marti belyan mahar karijyai, lakadyan sukhi de deejyai

 kavi ne kuchh bhi mat deejyai, kavita ne ijjat deejyai

jiwun jatha tak likhto, rawun itri tun himmat deejyai